توي دريت ان الزمن ماله دروب ولا نظام ادركت قول العارفين اللي من اول اجهله إليا حسبت انه على مشهاك ماشي لك تمام يفجعك باللي ما على بالك يصير ويفعله يا كثر ماخلاّ قهر .. يا كثر ما خلا كلام يا كثر ما باقي بصدري من زماني أسئله وأنا ادري انه ما على الدنيا خلود ولا مقام لو كان من عقب الشقى شفت البشاير مقبله من يوم شفت انه تباعد بالسما بدر الظلام ايقنت في جزر البحر من عقب مدّه باوله ماعادت الدنيا تساوي في عيوني ما يسام لو مزّعت قلبي من الاوجاع .. ولا تسحله يامكثر اللي طابت عيونه على الدنيا ونام يا لين قومته صواديف الزمان مجلجله عبدالله حمود المزيني