كريم يا صوت الرعد له زوامير بأرض يداعبها الحيا والخباري علنها دهم المزون المزابير من وقع ماهن جاري السيل جاري ياما اختلط نبت الفياض المزاهير لصوت أم سالم والحجل والقماري تلقا الخزامى والنفل والنواوير ينعش شذاهن مع هبوب الذواري يا ما حلا برياضها هدت الطير حر مدرب فيه دق وشقاري أقطم سطاوي ينثر الريش تنثير ماهو كفوخ كل راسه طواري اشقر هجر عنه ألف نشرة وتقرير عديم لحاق لزرج الحباري على اليسار اليا وقف وقفته غير هادي ولوف الخمس ما هو زعاري تشوف بعيونه شجاعة مساطير اليا رمى البرقع خبير الحراري وقام يتلذع ويتحرى متى تطير يم السماء طلعه يمين ويساري وتطايرن قدام عينه مخامير عده بموقعهن عليم وداري وحقد وناض وصاحبه فلت السير وانقض مثل سكود ولم وضاري ام اعتلا من فوقها كله النير والا بجانبها عدواً مباري وألا يناطحها مناطح مناعير كنه عقيد بدم ربعه يثاري له زغردن طرق البنات الغنادير وعليه صكن من جميع المحاري والله لو مابه من الفعل قطمير ألا يدوس الموت دوس الضواري وشلون عاد وهو مثل سالم الزير مضراب كفه يا ضرب فيه فاري عطب كفوفه بالثنادي شناكير اقطع واحد من السهم والشباري منخر وبوز وزين طله وتوكير اشقر ودقه لون دق الخزاري تلقا عيونه من سطاته مجامير اليادلي ونجد بالسماء واستداري وان كوبرت جاها تقل رجف معصير ساطي وسيقانه غلاظ قصاري يودع غضا ريش الحباري شعاثير وراعيه بفعوله فخوراً يماري يا زين هداته بذيك العناقير بين الحدود وبين حد السماري فيه خايعاً ما داج فيه السماسير يطرق عليه النود ليل ونهاري ماقد وطاه إلا فخاف الصقاقير تلقى لجرتهم عليها مواري معهم طيور مقرنسات وبواكير مثل الذهب ولا لميع الدراري بأرض الشمال اللي بها العز والخير خيره وفير وساكنينه خيارى اميرها ليث الليوث المغاوير حلحيل صايب شور صارم قراري يا علها بمروحات المدارير في جاه من كبر وللبيت زاري
