نشرنا في عدد الخميس ما قبل الماضي لغزاً كتبه الشاعر محمد بن عبدالكريم الغربي وكان نصه: انا ابا انشدك عن رجل بناته لا انتهن يروح يموت وينتهي ما عاد له فضلٍ ولا منه على وجيه البنات عيون خلق الله لها مصلوح ولا ينفع ولا يشفع الى راحن وخلنه وقد وصلتنا كالعادة حلول كثيرة اخترنا منها الحلول التالية التي اكتملت فيها شروط النشر: مدام ان الجزيرة بابها يابو حمد مفتوح تكفى من تصفح مستوى الصفحات يرضنه ترى التقويم قدامي على المكتب وانا مجروح تدور ايام والسر الليال السود يخفنه عبدالرحمن بن منصور السليمان الرياض ابا اشارك مع اهل اللغز واركب في سفينة نوح على موج الجزيرة وابعد الاوهام والظنه بقى اسبوعين ياسرع الليالي يا بعيد الشوح على التقويم تبدأ المدرسة والهم والوانه سعود العثمان - مبايض ترى يا محمد الغربي عجبني لغزك المطروح ولا نستغرب ابداعك يا شاعر معجباً فنه واقول ان مقصدك جبته وابا قوله بلا مشروح هو التقويم ولفضله كثير الناس ممتنه صالح عبدالله الزرير التميمي/ الرس الا يا مرحبا بك يا محمد والطريق اسموح حلول اللغز بالصفحة الى جبته يلاقنه الى منك بغيت الحل بافكارك تجي وتروح ترى التقويم مطلوبك وفيه حساب للكنه علي رشيد الرشيد / رياض الخبراء انا بحل لغز بالجزيرة شايفه مطروح انا اقول انه التقويم بالهقوات واظنه انا اقول ان حل اللغز لا منه نشر مفتوح وهذي عادة الرمعات يخطن ويصيبنه سعد بن صنهات السهلي/الدرعية هلا بك عد براق نشوفه بالسحاب يلوح وعدد نبت الفياض اللي مزون الوسم علنه قرينا اللغز يا محمد وحله نكتبه بوضوح وحله عندنا «التقويم» والايام يزهنه عطاالله بن سليمان العطا الله/الزلفي نما غصن الغلا واسرف يعانق شامخات الدوح على صدر المدارات انتشى..وانقاد له فنه تسامى بالسعد.. والحرف حلق في فضاه يبوح عسى التقويم رمعات الوفا والعرف يرضنه فهد الجروان/الزلفي الا يا مرحبا باللي حجاويهم ترد الروح تسر عيون قاريها وكل ابياتها فنه وانا سجيت بالافكار قمت ابحث واجي واروح لقيت الحل تقويم ولاني حايد عنه منصور عبدالله الزرير التميمي/الرس الا يا مرحبا باللي عرفنا لغزه المطروح وعلى الغزي نعيد الرد بابيات ويصلنه ترى هذا هو التقويم ورده ياصلك مشروح والى راح الورق ما عاد له فضل ولا منه محمد بن عبدالعزيز الخنيفر /اشيقر