من الف وثلاث امية وتسعة وتسعين وانا سعودي وافخر اني سعودي في ذمتي بيعة من سنين وسنين بيعة ولاء من عهد سالف جدودي موالي لاهل الوطن واهل الدين ماني سوات اللي كذوب جحودي يا موطني عز العرب والمسلمين يا درة ما مثلها بالوجودي قدرك كبير معتلي الراس والعين تبقى عزيز ودوم عزك يسودي داري السعودية على العسر واللين مالي سواها وان تقوت عضودي ارض بها الإسلام وابها الحرمين مهوى القلوب بكل حج يعودي دار السلام اللي يعم الميادين من فضل ربي خالقي ومعبودي دار المعزة بين نخله وسيفين وحكامها حكامنا آل السعودي دار الملوك اللي زحول وسلاطين على العدوا سم يسم الكبودي دار الرجال المخلصين الوفيين اللي عن حماها تغار وتذودي عن حدها تاطى الوغى والبراكين تفنى ولا تسهج اراضي الحدودي من دونها مالي ودم الشرايين احيا بها واموت وابها لحودي
