الدمع من عيني على الخد سكاب ودموع عيني يشهد الله ثمينه ماهلت العبرة على كل من غاب تبكي وفاء من مات بأول سنينه تبكي على اللي للمروات كساب فيصل سليل أهل العقول الرزينة شبل يهلي بالقرايب والاجناب شبل من المعروف تندي يدينه حر مواكيره على راس مرقاب من رافقه ماذاق طعم الغبينة نبع الوفاء سمح النبا سعد الأصحاب رجل بعد حصل رضى والدينه يشهد له اللي ظن نفعه ولا خاب وتشهد له أصحابه بسمته ودينه يالله عسى الجنة مقره بلا حساب ويشرب من الكوثر زلال بيمينه وعسى سحاب كونه رب الأرباب على ثرى قبره تهامل غشينه والموت حق والا لنا عنه مجناب لابدنا في ساعة ذايقينه
