الإهداء إلى روح (طائر الشمال) وخريج المضارب السوداء والدي الفقيد سليمان الفليح - رحمه الله -. (ريح الشمال) بحزنها أمس ترثيك ما تشوفها من أمس هبتّ شمالي! من هولها والخوف والفاجعة فيك صاحت لها كل الأوادم تعالي ياويل حالي شلون يابوي أنعيك وشلون: أنا أنعيك ياويل حالي يبه : فقدتك قوللي وين أنا أجيك في هذي الدنيا أنا وش بقالي كل ما أطالع في عيوني ألاقيك من وين ما أطالع أشوفك قبالي أيا عطش روح الظلوع المهاليك ولساني اللي بالعطش ما يبالي يبة على قبرك وقاعد أحاكيك قمّ ضمنّي قاعد أسولف لحالي! يبه: طلبتك قوم الله يخليك مجنون أنا مدري وش اللي جرالي الفقد صعب وشوفني قمت أناجيك قّدر . شتاتي . دمعتي . وانفعالي يبه وأنت بوحشه القبر أبكيك وحيد منت بوحشه القبر سالي أب حضنك تكفا اذا الموت يمديك! تكفا لاتسخر من سذاجه سؤالي أشتقت أنا لكلك وأحبك وآبيك المسألة يابوي فوق احتمالي طاولتك أوراقك قلمك المشابيك وأشجار بيتك وقعدتك ف الظلالي كتابتك بالحوش مع صيحة الديك وصوتك وأنت تقول أبكتب مقالي مبعث تفائل في انفتاح الشبابيك الشمس تدخل بيتكم من خلالي الشمس من تشرق عليك وتباريك تعكس خيوط شماغك (البرتقالي*) وعقالك (المايل) شموخ بتباهيك دايم (ميالانه) بعز ومعالي مثل انجرار القوس في كف راميك ماخذ مدار الانحناء الهلالي (واليوكن الأسود) وزر التماتيك وأنت أتّرجل منه نوره يلالي مخيمك والسور مجلس بنيخيك والنجر ووجار الحطب والدلالي والقرم (سويلم) بجنبك يراكيك فككاك صعب معقدات الحبالي آه ٍ يابو سلطان روحي تواسيك ياصعب فقده (ياسويلم) يا خالي (هيجنت) للصحرا بصوتك وأغانيك لحن (البدو) هيجنت في صوت عالي وتبرق عيون (البردويل*) بمحانيك وينب عشب صدرك فياض وزوالي حزن (البدو الرحّل*) ونوقٍ مباريك ناخت تمّرغ خشمها ف الرمالي وشيبان لآك أفواههم المساويك (حنشل) أساطير الظلام الخيالي ومر (الحماد*) ويلهج الصبح طاريك يالعنة الصحرا غضبها المثالي ويا جوعها والفقر والقيض حاديك وظما شظفها في هلاك الزوالي ياغيم ياللي مقدماتٍ محاريك أسرى على(الأردن) ورد الدعا لي وأسقي قبر ف(الهاشمية*) بحاليك ماء القراح المعدن العذب حالي ويبنب علي قبرك من الورد يضفيك ريح الخزام (الديدحان أمتوالي) يالضي في وسط الليال المحاليك يانور ضي محلكات الليالي منين أجيب الدمع بالعين وأبكيك أنا (نشقته) مابقا به توااالي علمتني كيف السمو بتعليك أن المحبه ماتجي بالتعالي وعلمتني معنى الثبات بمباديك في الرأي دامك مقتنع لاتبالي دايم تقول الناس هذي حواليك الناس هذي كلبوها عيالي وعلمتني معني الصراحه معانيك وشلون أصبح في حياتي مثالي وعلمتني معنى الصبر في تحديك فكّر قبل وأحذر تكون انفعالي وعلمتني مدخل صناعة أمانيك أحذر بعمرك لاتكون اتكالي صار المكان اللي بمجلسك ألاقيك اليوم أطالع مجلسك صار خالي أبكيك أنا وكل أكثر الناس تبكيك (والغالي والله ما يعوض بغااالي) الشاعر: بسام سليمان الفليح سويلم: صديق الراحل وابن عمه الهاشمية: المقبرة التي دفن فيها الراحل الحماد: منطقة صحراوية ولد فيها الراحل البردويل: منطقة في شمال المملكة العربية السعودية أحزان البدو الرحل: ديوان الراحل الثاني
