تعسف الخيل ونفوس البشر تنتحايل مير خيل القصايد ما يطيق اللجام انتحيت ولقيت القلب ما من صمايل كل ما ذعذع الغربي من الشوق هام ياكثر ملحها والاّ الحلا له دلايل حورٍ عيونها والخشم سلّة حسام كن ذيك الخدود بروق ما تنتخايل لاكساها شعرها شفت برق وظلام واجد الزين عند الحاضره والقبايل شفت واجد ومرّني مرور الكرام بس هذي وصايفها علوم وهوايل كنّها قطعةٍ من نور بدر التمام قلت في خاطري ماني عليها بعايل لكن القلب سابقني برد السلام ماني اللي حذف عند الزناد الفتايل يومها ولّعت ناره تغطّى ونام عودها مال لو هي ما تبيه يتمايل ماهو بكيفها من لين ذاك القوام واقف وكن رجلي فوق جرف متهايل للجمال بعيون العاشقين احترام الأصايل يجنّك مثل أهلهن أصايل والوكاد إنها منهن بليا كلام يوم فلّت على الخصر النحيل الجدايل واستدارت خجل مدري تصنع غرام هذي اللي غلاها ما يبي قول قايل هذي أسباب غيضي والرضا والهيام هذي رسومها بين الضلوع النحايل هذي اللي على صدر القصيدة وسام الشاعر: متعب التركي
