يا عظيم ويا كريم ابك استعنا جل شانك ما بغيرك نستعينا موطني ذكراه حانت واحتفلنا موطني قبلة جميع المسلمينا وهاجسي باسمي وباسم الشعب غنا وزان بدع القاف والمعنا ثمينا يا وطنا دام عزك يا وطنا في ذرا المعبود رب العالمينا ثم ذرا اللي واثق فينا وحنا له جهرنا با الولا ومبايعينا المليك اللي على القمة جعلنا خادم البيتين زبن المبتلينا با الكرا لعيون شعبه ما تهنا تسهر اعيونه وشعبه نايمينا لا حضر نفرح ولاغاب اشتحنا عاش بومتعب عشير الغانمينا وبوه من عنْ المهار القب عنا وحد الدولة ورد المعتدينا ردهم با السيف والرمح المطنا وانفرد باالحكم سيد الحاكمينا والحكم من عهده قصوره تبنا والعلم مرفوع في عسر ولينا ونحمد الله معتلين ما طمنا مسلمين شاكرين ذاكرينا والقدر لاسل شلفاه وطعنا ما على غير الله الوالي شكينا الله اكبر سيفنا لحقه جملنا نايف وسلطان ما عنهم سلينا واحمد وسلمان من جلو حزنا سدوا اللازم عساهم سالمينا هم دروع القايد اللي ما تونا لااعتزا والله ونعم الساعدينا ولو علينا فقد لسياد ايتثنا ثابتين وميقنين وصابرينا ومن يبي فراقنا ماهوب منا شعبنا وملوكنا متكاتفينا وعلمانا مابهم شك وظنا وجيشنا سور الوطن منا وفينا علمو للي ورى الحد امتحنا والله انه ما يمشيها علينا والله انه ماينال اللي تمنا وكان وده با السلامة لا يجينا الشاعرة/مزون السحاب
