مجول: تسرك الحال وأنا أخو جوال جوال: أهل الخيل عاتبين علينا يقولون ما نشوفكم إلا في المناسبات؟ مجول: العوض ولا القطيعة وابشرلك بولد لاحضرنا نشرف ونتشرف؟ جوال: كفو يا صبي الميدان والليلة كأس أعز الناس، عسى الله يديم عزه ويطول عمره. مجول: وعلوم الترشيحات؟ جوال: الصفقات شوشت على ترشيحات الربع؟ مجول: خل عنك التشويش والتبويش الأبيض (ومسفح) وهذ زمن الأبيضاني! جوال: وشوط عمالقة المستورد؟ مجول: ما غيره فلاي داون، إن كانها على العدلات فلاي محلق وعشمنا بتعدى الحدود! جوال: قصدك كأس العالم المقبلة يا كريم! وإن فاز الليلة كل قلوبنا مع حصان الشعب السعودي. مجول: إلا وش علوم أهل الجنادرية؟ جوال: موسم الشبا قرب والفحول أبشرك زادت عند المنتجين الصغار. مجول: عليك يا بعدي بالفحل المبروك؟ جوال: وهذا وين نلقاه! مجول: في المراح اللي من سعة ومن خاطر زين لامنه ولا اتصل على الوكيل الفلاني والعلاني! جوال: قلناه ونقولها اليوم ودوم اللي ما يدعا له ما يسرك يا حبيب اخوه حالة! مجول: الا ما توافقني الراي أن مواجهة روبست وش وستب ان تايم وباتو وجدل هي سباق آخر وتحدٍ من نوع خاص! جوال: أجمل ما فيها أنها صفقات حركت فينا التفاعل من خلال هالملحق وفائدتها تعود على ربعنا اللي باعوا وعسى الله يبارك للي شرى. مجول: تتوقع صفقات قادمة؟ جوال: سلملي على ابن طايل راعي صفقة المليون. مجول: كفو وبرق المزن يهقوي! جوال: ولا يهون قداد الفراج؟ مجول: صدقت ومركاضه الأخير يروّع! جوال: وآخر العلوم؟ مجول: مزاد العسايف الأسبوع المقبل ويا مدور الزين ترى الأزين أغلى مع تحيات /جول ومجول
