تراك دم وجلد وعظام وعروق من غيرها وشلون تقبل وتنطاق اجل عليك حقوق ولنفسك حقوق ليه اتكبر وتمادى وتنساق خلف الوهم وتناظر الناس من فوق لو كان في صيتك تجاوزت الآفاق ما لك غنى عن خدمة الناس بالذوق ترى الحياة ايامها وصل وفراق ومن لا بذر ما يجني اثمار وعذوق عمرك خريف سنين وايامك اوراق ياما بها بتعيش وتشوف وتذوق واعرف ترى الألسن مغاريف الأعماق وإلا ترى الإنسان بالأصل صندوق الصمت حكمه كان من حولك ابواق بس الحقوق اليوم تحتاج لحلوق خلك لقول الحق صامل وسباق ما دام ثوب الزيف سامل ومشقوق واقطف من ورود الحكي كل مالاق وتخير الألفاظ زملوق زملوق في كل شي الناس رغبات واذواق واللي ربح بالسوق يثني على السوق والآدمي عايش مع الوقت بسباق والطيب بين الناس سابق ومسبوق والقلب ماله عن هوا شفه رواق واهل الهوى تلعب على كل طاروق هذا الزمن فيه اغلب الناس عشاق تتعبهم الفرقا ويضنيهم الشوق والصيف حره حر واشواقه اشواق يشعر به اللي من هوى البعد مخنوق شعر - عطاالله ممدوح
