ماني غني لكن نفسي غنيّه أبعد عن المحذور وأصد وأشوم وخطاي في كسب المعالي جريّه مولود في عصر أمس لو عشت في اليوم أعرف جبال الألب وأعرف طميّه رغم الثقافة وإطلاعي على الدوم ومسايري للثوره المعرفيّه إلاَّ إني أبقى في هوى نجد مفطوم وأحيا وأموت امع الفرس والمطيّه البل لها عند العرب قدر معلوم قدرٍ مثل قدر الخوي مع خويّه في خلقها تصوير وإبداع قيّوم مذكور في تنزيل رب البريّه وفي درها مطعوم عن كل مطعوم فيه الشفاء للناس والقابليّه من هو نبت عظمه على الدر يا قوم ما راح للدكتور والصيدليّه سفن القفار اللي تهوم الوطا هوم أسعارها مهما علت واقعيّه البل لو إنك من غثا الوقت مهموم ممشاك فيها يرفع المعنويّه والبل غناة وربحها يطرد النوم والشاهد تجيب (العماره) (لقيّه) والخيل معها الخير وإخوٍ لها توم مع ركضها كلٍ يقول الحذيّه فيها كسرنا شوكة الفرس والروم والبربري وأفكاره البربريّه أحبها ويحبها كل شغموم واليعربي تسمو به اليعربيّه وفي حبها والله ما نيب مليوم محشوم باسم كروش واسم العبيّه وأحب داري حب داوود للصوم والله على ما أقول يشهد عليّه يا كثر ما خليته ايعانق نجوم في موطني ما تبخل الشاعريّه يا أطهر ثرى حبك فالاعماق مختوم ونقدّم الأرواح لاجلك هدّية من هو يعادينا على الوجه ملطوم والشعب كلّه عزوةٍ فيصلية حنّا عيالك فعلنا يدمر القوم لو نصفنا ما هوب في العسكريّه لا شك نصبح عسكر بدون مرسوم في الحرب كلٍ ينقل البندقيّه واللي يخون الدار بالعار موصوم ما يستحق إنه يشيل الهويّه الشاعر - راجح المغيري
