لا يغرّك كثر ضحكي والمزوح والله إن الهم في قلبي مدينه أتجمل لو على حساب الجروح أخفي الدمعة ولو عيني حزينه الهوى لامات فأطراف الطموح وش يفيد بدنية العاشق حنينه والمشاعر لو خلت من كل روح مابقا فأرواح خلق الله سكينه آه وأحلامي على ضفافي تنوح مالقت فضفاف أيامي سفينه أعترف ماعاد في دربي وضوح كيف أواصل دربي ولا أدلّ وينه أعترف دامي من إحساسي أبوح كل مافيني ألم يسبق أنينه كنت أبني من الأمل أعلى الصروح لين صرت لصرحي العالي رهينه كنت أغني للطيور اللي تلوح وبخفوقي حب يعزفني رنينه ما دريت إن الزمن يصبح شحوح كل وقت من العطا يطوي سنينه ليلى
