من يقول معّدل الطيب في الناس انخفض= ظالمٍ نفسه وغادي وتقريره خطا النشاما حزة الضيق يقضون الغرض= يبرزون بوقفتٍ بينه والا عطا ومن يذم الناس لاشك في قلبه مرض= ياعساه يروح عني مراويح القطا هافيٍ حظه تردى ومن قشره ربض= مايفوّز فوق دايم مخيّش فى الوطا اسفهه واصد لوكان في الدرب اعترض= شوفة درام الزباله ولا كشف الغطا اشفي لشوفة رفيقٍ ليامنه نهض= كفه الايمن على المدة الجزله سطا مسندي عبدالله اللي على قلبي فرض= حبه وصرنا بوجهات الانظار خلطا صيرمين كل عرق من عروقه نبض= بالشهامه وامتطى صهوة العز امتطا أشهد إنه في أصدقاء اللين صاير لي عوض= ومن غلاه أضرم لشوفه ولو مالي بطا الصدى:عبدالله القثامي مرحبا ما لاح برق من المنشا ومض=وعد من هلل وكبر وما تمش الخطا مرحبا باغلى خوي قدم عيني عرض=خوته ما جات بمجاملات وبو سطا خوة مقدارها ثابت ما ينقرض=عدها ما غثربه بالقشاش وباللطا ضاوي الله يحفظه باطيب الطيب احتفض=اشهد انه من رجال على الطيب اقلطا دز لي خط نقض كل جرح مانقض=وأختلف فكري وعن درب منهاجه شطا انخفض سعر الغضا وارتفع سعر القرض=ياكثر ناسٍ تعرف الحقايق وعبطا مير جرحي من عنا الوقت يا ضاوي نجض=ما تزعزعني تصانيف وعلوم اسقطا الردي بسمه ورسمه رضي والا رفض=يا عساه افدا رجال على الطيب انشطا والمراجل ماد للي مشى وااللي ركض=واحد يقدر وواحد على خده.......
