البارحة .. أرْخَت جفون الليل شبّاك الوصال .. البارحة .. ذبلت على غصن الهوى كلمة " تعال " البارحة .. حاولت أكون الممكن ف..وقت المحال .. حاولت أغيّر من ظروف الوقت وأقدار الليال .. البارحة ..كان السؤال .. إلى متى واحنا كذا ؟.. كل ما نقرّب نبتعد !.. إلى متى وأحلامنا .. بين الحقيقة والخيال ؟.. إلى متى ؟.. مدري متى ؟.. لكن أملْنا ف.. الولي .. الليّ رفع روس الجبال .. إنّه يلملم شمْلنا .. وإنّه يحقّق حلْمنا .. آمين ..ياربّ الجلال .. آمين ..ياربّ الجلال .. أحسّ بالغربة وهي تحتريني=وأنا مكبّل بالهوى والطموحات يا كثر ما سولفت بيني ..وبيني=عن حاضر أيامي ..وعن كل ما فات عن الصغار ..وعن بُعد والديني=عن الكبار ..وعن جميل الصداقات عن زحمة أحلامي ..وقسْوة سنيني=عن الوطن ..وأهل الوطن ..والمسافات عن الأذان ..وانحناءة جبيني=للّي تربّع فوق عرش السموات عن مرهف إحساسي ..وعطفي ..وليني=عن ما تبقّى داخلي من قَناعات عن الطفولة ..يا بقايا حنيني=عن الدراسة ..واختلاف المسارات سنين يا لوح الشرف تحتويني=لكن يقولون العبر بالنهايات كبَرْت واللي كان مفتون فيني=أصبح يسابقني لدور البطولات خلاص بلّل تالي الوقت طيني=ماعاد ينفعني الحكي ..والثناءات تعبت ألوّح للنجاح ْبيميني=تعبت أجمّع من حياتي شهادات وين الملامة لو تزعزع يقيني=سطْوة يدين الواسطة والعلاقات ما قلت لك يا دنيتي جامليني=والله خلقني أعشق المستحيلات أزرع وتاكل دودة الحظّ تيني=وإن فات شي فكل ما فات .. ما مات ما صرت أميّز وينهم حاسديني=والناس من حولي وُجُوه .. وقِناعات للحب دمعة ساكنة نون عيني=أخاف يفضحها الوله والكتابات تزْهر إذا طاحت بها راحتيني=رغم الظروف الجايرة والصعوبات يارب تجْبر كسر خاطر يديني=واغْفر بعفْوك ما جنَت من خطيّات أخاف يجرح خنجر الوقت دِيني=والكون يغرقني ذنوب ..وملذّات وإن طالت الغربة وهي تحتويني=بإذن الله أرجع حامل أسمى الشهادات
