بمناسبة صدور موافقة مستشار خادم الحرمين الشريفين سموأمير منطقة مكةالمكرمة على تنصيب الشيخ عبدالغالب بن نويهر الغانمي شيخ شمل على جماعته قبائل العزره من حرب. أبدع الشاعر مصلح بن عامر الغانمي هذه القصيدة حيث يقول: ياالله عبدك واقف(ن)بين أياديك مذنب وتايب وللعفو منك طلاب أنا دخيلك يوم صف المماليك يوم الحشر والكل مجنب تجناب إغفر ذنوب اللي عطيته ومعصيك الى عرف جل الخطا والتصواب ومن بعدها ياهاجسي العلم ناصيك هات العلوم اللي لها حد ونصاب هات الذي وسط المحافل يقديك وانت لها ياهاجسي طنب واطناب الليلة الموقف سرور وتباريك ليل الفرح يالغانمي تو ماطاب يالشيخ ابونويهر عسى الله يهنيك شيخ(ن) ونسل شيوخ للعز كساب المشيخه حق(ن)لكم سلم أهاليك وعلى الفخر جاتك بمرسوم وكتاب أنت سليل المجد ساسك مقديك ربعك هل الطاله على سن وحراب وحنا بني عمك ونفخر بطاريك أنت لنا كالعين واحنا لك حجاب الله يعينك ف المهمة ويبقيك ويعطيك من خيره بلا عد وحساب