كل ما بغيت اقول في خاطري شي=لقيت قبلي فيه عند العرب ضوح مدري نبوغة فكر ولاَ معي حي=يقرالي افكار المخاليق بوضوح الوذ بأفكاري عن الموجعه زي=من لاذ عن طلابته دم مذبوح انسى العذاب شوي وارجع له شوي=اروح عنه بعيد واثري له اروح حتى نديمٍ لي كوى مهجتي كي=وهو يدري انه عندي اغلا من الروح اقفى وعيني من رحل تفقد الضي=وهو من فراقي لو ضحك بات مجروح والله لو ادري عنك وآحدد من اي=لانخى السوالم واتعزوى بمسروح واروح يم ابوك لو كان بدبي=وانخاه باهل الجاه والمال والبوح لا شك عذري منك يا وارف الفي=انك ضنى طحطوح وتحب طحطوح تدري بخير..وزبدة العلم..هي هي=ان عشت بك مسموح وان مت مسموح
