يا غصن الكلام ان كان هب الهبوب ولنت=تساقط ندى الاوراق من فوق عاتقها حروف الكلام اللي على جمعها هيمنت=وهجها الصراحه والمجامل خنادقها تلافا مثل سرب القطا كل ما هيجنت=واجمع لها قسوة زماني وافرقها كأبة حياة وكبت وان قلت وان دونت=تموت العشيقه ما تهنت بعاشقها يا وجه الفرح غايب لك اعوام ما بينت=مواري رجوعك ما بعد لاح بارقها انا كم رجيت ينوض برقك وكم راهنت=على اسمك بنيت احلام وازريت احققها نزحت لغياهب مهحة البعد واستوطنت=وانا كنت فيك احلام عمري معلقها تبي تعرف اللي عقب غيبتك وش كونت=عنا يمطر الضيقه بروحي ويغرقها اقبل جبين الصبر واقوله لا هنت=على وقفة مأساة عمري توثقها ملامح جبيني ترقب طيوف ليت وكنت=ما غير اتجود بالهقاوي وتطلقها ترى لو ضحكت اضحك واجامل وانا ما زنت=انا ضحكتي من وجه الافراح سارقها يا وجه العنا ما ادري من أية عرب ويش انت=ملامحك عيت تتضح لي حقايقها تلون بلون اسود من ايلول ما لونت=دروب الامل بلون الاماني مفارقها وعطاياك وااااااجد بس انا منك وش عينت؟=جمايل كفوفك في جنوبي مطارقها ومفازيعك اللي قلت توفي بها واعلنت=انا والله اني بالثلاثه مطلقها
