ليا ذكر الحيا والالمع لي في السما براق =طرا لي قاف تحزني وتطربني طواريقه احس بثقل هم العود احس بلوعة العشاق=احس اني غريب ديار احس شعور ماطيقه مرار ابكي على الماضي ندم ومرار له مشتاق=احس ان الهقاوي عودت للنفس توهيقه انا ابغى الليل واليا جا ظلامه قلت ابا الاشراق=شعور بداخلي واليا وصفته صعب تصديقه احس اني مقيد والزمن هذا زمان سباق=ولو سابقت مارضاني من الجمهور تصفيقه وانا لاني براضي بالقيادولا رضيت انساق=انا حلمي يراودني وانا ادري صعب تحقيقه ليا ضاع الدليله ليش نتعب في الطريق الساق=يضيع العمر في درب الضياع وفي مزاليقه الا ياكم تشيل صدورنا في داخل الاعماق=يون القلب لين تقطع الونه معاليقه كثير احيان تشكي غربتك لو ما شكيت فراق=هي الغربه صداها في الفؤاد الهم والضيقه
