ذبل صوتي.... وذاب الشمع من نار الوداع وطاحت كروتي ذبل صوتي.... وأنا أسأل عنك في كل الدروب ولا رجع صوتي وذبل صوتي رحلت وكان حلمي فالرجوع أصعب من عناق السما للما رحلت وكان قربي للدموع أشرف بكى وأسمى تغير كل شي بعيني وحسيت بان الوقت من دونك زمن عادي بلا طعم وبل امعنى تركنا للفراق بدون رحمة قرب وأقنعنا وشفني اليوم يحاصرني شقا بعدك وأحس اني كذا بعدك وحيد إلا من الحيره بعيد وكن ماعندي وطن حب وبلاديره وتدري عاد وش اللي للخفوق أقرب ووش الأصعب إذا من شفت واحد مع حبيبه يقطفون من الزمان ورود يغنون لصباح الحب ويردد لهم موجود يعيشون الحياه بلا نكد ليه وبدون حدود يسوون أجنحه لأحلامهم وتطير يخاف المستحيل من انكسار قلوبهم ويصير وأنا ياقدرة الله وش معي غير أستبيح البوح وأجمع من فتات الصبر لعيون الشقا وأنوح وأحاول في غيابك كل مامر النسيم أستعطفه تكفى أبيك تجيب من ريحة حبيبي.. زفرتين وضي وأبيك تجيب من صحوة نصيبي.. حلم بعضه حي وأنا عاد بصراحه ويش أبي في باقي الأشياء تعال أنته واذا من جيت تجي معك الحياه بكل مافيها يجي معك المطر والعشب تجي معك الأغاني وانتصار الحب تجي معك الاماسي كلها يارب وش اللي عاد ماياتي تعال أنته وشوف اللي يجي وتصدق اني من غيابك مامعي واحد وحيد الا من ظلالي ومن صوت الوجع والحزن والغربه وذبل صوتي
