للسيف يمنى ويعط الحق ميزان= يادولة النور منتي بأي دوله من سورة التين مبداك امن وآمان=واعزك الله بالدين ورسوله نخلة عطى, جود , سدرة ظل وحسان =بخوان نوره على العز معقوله اعروقها فالثرى واغصانها اغصان=بشر معزي عيال العود جوله اسعود فيصل وخالد والفهد كان=حكام الامجاد جوله بعد جوله واليوم في حكم ابو متعب كحيلان=تنبت رجالات وامجاد ٍ مهوله حاكم يسوس البلاد بفكر واتقان=دستوره الشرع والتوحيد اصوله في نظرته خشيه من الله وعرفان =تقي وعابد وملهم في حلوله قلبه من الطهر والرحمه والايمان =ارباعه , وربعه الرابع رجوله رحمه من الله خلق في صورة انسان=انسان من رحمة الله في مثوله احبه الله وحبب فيه الاكوان=والله ليا حب عبد انزل قبوله ياسيد الناس كض الحزن ومعان =ابقوة الله يا بو متعب وحوله اسياستك سكرت للحزن بيبان= بعد اختصرته بمرسوم ٍ تطوله والعهد ولاه رب العهد سلمان=وليّ عهدك على عهد البطوله الامن نايف ويمنى الخير سلطان=جمعهم الله في عرضه وطوله امحنك ٍ يضرب الكايد بالامكان=مليان حكمه يطول اللي يقوله عنده تساوى اليدين ويسهل الشان=مقطع ومضراب حق ٍ نوخو له والنصر معقود بستثمار الانسان=والمجد كبره حسب كبر الحموله من غير عدل ومواطن ويش الاوطان =من غير جهد وبناء ليش العموله ؟ واللي حكم بير محفوره وميدان=في ساعة الحرب من يقرع طبوله والفرس عادت وكسرى الفرس في ايران=كهل ٍ مجوسي منجد نجدوله كسرى وحكمه تمزق عبر الازمان=بدعاة من نتّبع فعله وقوله اسلم وتسلم خطاب فيه برهان=عزمه وقوة خطابه من فعوله والصمت ماهو ذهب في كل الاحيان=احيان يحسب من الضعف وفصوله نبدا بتصحيح لهجتنا من الان=حق ٍ لخويه واجي دونه وانوله ناقف نصر دون حق ابن نهيان=مرهون حق المطالب في مقوله وش جاب هرمز وفرِس استان وستان =لرض المطاليق ابو موسى البسوله طنبين ,, طنبين حول ارقبة طهران =نشنق بها كهل طهران وفضوله للرمح حربه وللعبرود نيشان =والمعتبر يعتبر من كل صوله جابر وزبنه فهد ورتد دسمان= من قدم الطيب يلقى له عدوله واليوم سته وسبع السته اخوان =اشعوبهم والشعوب اهل وحموله ياعمق درع الخليج الصدر مليان =حب ولآء للخليج من الطفوله شاعر , مواطن خليجي , همه اوطان=ماجيت ابمدح ولابغى لي عموله
