طردت «امرأة الماسنجر» التي طلقها زوجها بعد أن اكتشف علاقة عاطفية تربطها مع أحد الاشخاص في دولة عربية عبر الماسنجر زوجها وأبناءها إلى الشارع أمس الأول، حيث تقدمت بشكوى إلى الشرطة مدعية أن العمارة التي تسكنها وإياهم تعود ملكيتها لها وأنها مسجلة باسمها. إلى ذلك فتحت شرطة المدينةالمنورة تحقيقا في القضية، حيث قبضت على أولادها الكبار بعد الشكوى ثم أطلقوا بكفاله. زوج المرأة الذي التقته أوضح أن زوجته التي تجري قضية طلاقها منه في محكمة المدينة اعترفت خلال التحقيقات أنها تحادث الشخص العربي عبر (الماسنجر). وأضاف: أن العمارة التي طردته منها مع أبنائه وبناته يشاركها في ملكيتها ولكن محبة لها وتقديرا للعشرة الزوجية سجلها باسمها، إلا أن محبته لزوجته كما يقول انقلبت شرا عليه، مشيرا إلى أن أحد أشقائه أنقذ الموقف واستضافه هو وأبناءه في شقته ريثما تنجلي الأمور. وأردف: أنه سيتقدم لمحكمة المدينة بشكوى ضد طليقته جراء استيلائها على العمارة التي عاد ليقول إنه يشاركها في ملكيتها وإن لديه مستندات تؤكد ذلك. العقيد محسن الردادي الناطق الإعلامي في شرطة المدينةالمنورة أوضح بحسب عكاظ أن المرأة تقدمت بشكوى رسمية للشرطة ضد أبنائها تتهمهم فيها بالعقوق وتم القبض عليهم، مشيرا إلى أنه تم إطلاق اثنين من أبنائها الذين تم القبض عليهم بالكفالة وجار التحقيق في القضيه التي أحيلت إلى هيئة التحقيق والادعاء العام بحكم الاختصاص. الحب تبكي عليه النساءوهذا مسكين صدق ان كيدهن لعظيم ايها الازواج هو شهر عسل بس بعد كذا بصل بلا حب بلا خرابيط افرض رايك وشخصيتك اامر انهى نكد عليها عيشتها عشان لا تثق في اي ادمي بعدك انظر الي الزوجه اذا كانت تحب تفرض رايها عليك وتتحكم هذي برجلك دفها (بعد ما تتنتهي) تستاهل اللي جاك تسلم رقبتك لحرمه يا جاهل ما قريت ان كيدهن لعظيم عموما لابد من احترام الزوجه التي تحب زوجها وتحترمه وتقدم رايه على رايها وتقدر الحياة الزوجيه وارفع لها التحيه ليس المهم ان تضحي ولكن المهم من يستاهل التضحيه والله غريبة ان ام تطرد ابنائها وتتنكر لزوجها معقولة كل ذا علشان محادثة المسنجر مع رجل غريب لو قريب فى مدينتها قلنا لاشك سحرها لانه مو معقولة ام تسوي كذا فى ابنائها حتى لو عقوها المسائلة لسه ناقصة نصيحة لكل اخت ابتعدى يا اختى عن كل محادة مع من لاتعرفيه حت لو قلتى انا واثقة من نفسى ترى القلب يتقلب فبعدى عن الشر منذ البداية احسن لك والله يهدى الجميع وكذاك بعض الرجال لما يدخل الماسنجر فيدحدث مع وحدة بقصد التسليةفقط ما يدرى الا وهى رابطة حبالة عليه وهو يتعلق بها ويتطور الموضوع لما لا يحمد عقباه فلا تكلموا غريب او غريبة الا بهدف الدعوة للاسلام وشكرا لا حول ولا قوة إلا بالله يعني ما كفاها أنها تكلم رجال تروح وتطرد زوجها وعيالها بعدين أنت الله يهديك رايح تكتب العمارة باسمها الحرمة ما لها أمان ممكن تقلب عليك في اي لحظة يالله أنك تسترنا بسترك الحمدلله الذي عافانا فيما ابتلاهم وفضلنا على كثير من خلقه أم عيال وتسوي الهوايل هذا البلى من الماسنجر وماأدراك من سوء استخدامه (؟) اجل لوهي بنت مايشره عليه وأنتي أم عيال الله يكفينا شر الماسنجر ويحفظنا من مساؤه ياناس انتبهوا من عيالكم من الماسنجر ياما راحت ناس ضحاياه الزمن هذا ظهرت الفتن من النت وماادراك من النت(؟) اللهم احفظنا من كل الفتن مافيه خير تحسب الاجانب صادقين يبي يهينك ثم يطردك اسألي الي تزوجين اجانب وش صار فيهم لاحول ولا قوة الا بالله وكلكم تعرفوني لا تعليق وما تبون والولد يسوي شيء؟؟؟؟؟؟؟؟؟؟؟؟؟؟؟؟؟؟؟؟؟؟؟ ما اقترفته يداك لو انك رجال وعارف للامور كان ماعطية زوجتك مقبض الحبل وهي الحين سحبت الحبل كله. اما بالنسبه للماسنجر هذا دليل على انك للحين مازلت غير مهيئاً لزواج. الله يكفينا شر النساء وكيدهن لكن اعتقد انها مريضه نفسيه وتحتاج لمستشفى صحي والا فيه احد يطرد حشاشة جوفه الله لايبلانا ويعين عياله عليه ويعوضهم اما خير منها والزوج يالله دور عمارك خل الحب ينفعك طيب كان سجلتها باسم عيالك الحمد لله والشكر على نعمة العقل اكيد هذي المراءه مو سعوديه من هالدول العربيه لو سعوديه اصيله ما تسوي بس يستهال اللي يجب من برا نسا لانهم ما لهم امان بس علشان الفلوس يجون لين ما يتمكنوا وهذي مثال على ذلك ياكبر صدمته ومصيبته الله يكون في عون هذا الرجل و هذه امرأة ناكرة ومكفرة للعشير وخائنة وعديمة أحساس ولاتقدر المحبة التي في قلب زوجها ومع ذلك أساءت له ولابنائها وبناتها فهو أمر ليس ببعيد عن خيانتها له وعدم حفظ الوداد بينهما من أجل رجل غريب , وعلاقة غير شرعية حسبي الله ونعم الوكيل ولاحول ولاقوة إلابالله العلي العظيم ايه تطردهم لآنهم يريدون ردعها عن المغازله والقذاره صج من شب على شي شاب عليه والله من بلاهه بعض الرجال.......وبعد ماتطيح الفاس بالراس يبدأ يصيح ويستجدى.....فاذا كان المنزل ملك للرجل يبقى له ويكون لورثته حق فيه....واذا كان من اموال المراه يسجل رسميا باسمها وانه من اموالها لها حريه التصرف فيه ......لكن بعض الرجال اذا شاف المراه قدمت له كلمتين حلوه سلم الجمل بما حمل لها........وعموما صاح ولا ماصاح الاوراق هى التى ستحسم الامر فى المحكمه (؟) (؟) (؟) الحب وما ادراك ما الحب ....؟ الحب شعور نفسي بين شخصيتين (نفسيتين) مهم لهما معاً لكن...؟ الخيانة وما ادراك ما الخيانة ....؟ كذلك شعور نفسي غير مرغوب فيه.....! هنااااااااااااااااااااااااااااااااا حل المشكلة ....... يكون بالتذكير بالله ويوم القيامة وما كان عليه حال الاولاد والصبر والتفاهم والبحث عن اناس يكون لهم قوت تأثير على المرأه كالوالد او احد المشائخ لكي تتراجع عن الامر لكن (((الرجل)))) يعطي الثقه ولكن بحدود معينة فقط نسأل الله لهما الهداية وان يحل مشكلتهما باسرع وقت واسهل طريق ويرها الى رشدها ومخافة الله.. والله مصيبه بس تدرون لو انه صاحي كان من اول مادللها ولاعطاها وجه ولا كتب العمارة بسمها لان من يوم كتب العمارة باسمها كبر خشمها وقالت مااحد قدي وان حصل زوجي طلقني اطرده زي الكلب من البيت وهذا الي حصل يعني هي مبيته النيه انها تلف وتدور الا لو هي صاحيه كان اعتذرت لزوجها عن العلاقه المحرمه الي عن طريق النت ورجعت المياة لمجاريها لاكن هي اكيد قالت انها تحبه وماراح تتخلى عن هالرجل الي تكلمه بالماسنجر وهذي قصه وطعلت بالنت اجل في قضايا كثيرة عن الخيانه الزوجيه من النساء عن طريق الماسنجر والرجال المتزوجين ياغافل لكم الله واغلب الرجال يجي يقلك انا والله زوجتي ماتعرف ماسنجر وهي من وراه تدخل بس ماتعطيه خبر وتدخل كمان الشات واذا جاء البيت سوت عاقلة وهو سوى انه يثق بزوجته لاحول الله كثير من الفضايح تحصل لاكن اغلب الرجال يقول ليش اشك بزوجتي ويقول لا تدقق ورى زوجتك يعني قصدة خل زوجتي تفل من ورايه وانا اسوي نفسي اهبل ماني داري عن شي لان الرجال هم يلفون ويدورون واكيد ربي راح يبتلي زوجاتهم بانهم يلفون ويدورون من وراهم وهم مو دارين الله يستر على اهالينا نساء اخر زمن ماينعطون وجه حبيبي لبناني والله تطرد امها وابوها ما ادري وش فيهن السعودبات مع الاجااانب سعوديه لبناني ينصب عليها 19 مليون ريال في دبي وهذه تطرد اعيالها وزوجها علشان عربي الجنسية وسيدة الاعمال متزوجة تصرف علي شاب سوري ويستغلها جنسيا ويبتزها ويرسل صورها لوجها ويتسبب بطلاقها والله اني اعرف وحده معطيه لبناني سيارة بانوراما 2009 هديه له وراتب شهري 6000 ريال بدون اي عمل لديها ليش والله مدري اللة لايبلانا ابفى اعرف كيف تطردهم اكيد كالعادة تعانى من مشاكل نفسية هذة يسمونها وقاحة وقلةادب شين وقوى عين هذا اخرتها ان كيدهن عظيم . والله ماتستحي شين وقوايت عين ههههههههههههههههه اعجبتن هالمره وربي انه رهيبه الحين هالي منهبلين وقايمين ومسوين رجه وش رايكم نسوي مقارنه وليته على مسنجر نبي نسويها على ارض الواقع ونبي نشوف الوضع والردود كيف تتغير لو رجل سافر لسوريا او لمصر او لاي دوله عربيه والله وشاف له وحده واعجبته وتزوجه ورجع للديره وسرح ام اعياله ولحقها العيال لبيت اهلها وش رح تكون رده الفعل شي طبيعي تبي تقولون هذا من حقه مثنى وثلاث ورباع طيب من حقه انه يظلم عشره عمر ويطلقه ويشتت اعياله وينسى كل تضحياته وينسى كل شي تحملته ايام سودا ايام زرقاء شينه نفسوه ريحته الخايسه عشان انسانه غريبه مايدري وش اصله من فصله؟ وعلى فكره هالحادثه كل يوم تصير بس لانه من وجهة نظر المجتمع عاديه ماله داعي تنشر بالصحف والمجلات اما هالحادثه لانه جائت من امراه استغربتوا الوضع اولاً انا ضد الخيانه الي سوتها تعرف ومسنجر ومن هالاشياء بس انا معها بانها تختار الي تشوفه مناسب لها ماتبيك ياخي مهوب غصب بلا حب بلا وجع قلب وش جانء من ورا هل حب غير تعب غير الألم وش جآآآآآآنآ قول للزوج اهدائي بالله يا اختي عشرة سنين بينكم والعشره ماتهون الا على ابن الحرام قال رب العالمين (وماجزاء الاحسان الا الاحسان) هذا درس لكل رجل لا يعطي زوجته حنان وحب للاسف بعض الرجال وجهه في وجه زوجته طول اليوم عبوسا قمطريرا حتي ما يقولها كلمه حلوه ويعتقد انه رجل وينسي مشاعر زوجته ام عياله والنساء تحب الدلع والكلام الحلو فوجدته عند العربي على الماسنجر اعتقد انه العربي لبناني لان البنانيين يقدرون النساء ولسانهم حلو وشكرا الله لايبلانا لاحول ولاقوة الا بالله انا قرأت الخبر في صحيفة ثانية اول ماطلقت المرأه بس الي انا استغربه كيف الصحف تكشف اسرار البيوت صاحبت التعليق اللي تقول ماتبغاك ياخي ماهو غصب . !!!!!! بعد ايش ماتبغاه بعد ماكتب المسكين الفيلا باسمها واكرمها ماتبغاه. وإلا لو هو دايس على وجهها كان الوضع غير . والله قلت حياء منك ومن هاالمجرمه اللي طردت عيالها وزوجها من البيت عشان واحد من جنسية عربية . يعني وش يكون لها . عادي عندك وعندها علاقه محرمة يعني داعره يعني شرمطه . مشكلة بعض السعوديات ماتعرف ابن بلدها الإ اذا ذاقت الأمرين من الاجانب . ياليت انت وهاذي اللي رمت عيالها بالشارع تعتبرين من قصص السعوديات اللي تزوجوا عرب او اجانب عشان تعرفين الحب المزيف اللي تكلم عنه بعض السعوديات . تبغين حب مزيف وافلام ومسلسلات ( مسلسل نور . مهند شاذ جنسياً وعلاقه كل يوم مع داعره صايعه ضايعه وعند بعض حريمنا هو الزوج اللي يعرف الحب والمتفهم ). الله يسعدلي زوجي ويخليه تاج على راسي ولاتحكمون على كل النساء من امراة واحدة ولا كل الرجال من رجل واحد. انا سعودية من الطايف 40سنة وزوجي سعودي من حائل 45سنة اتزوج صغير وعنده بنتين وولد ومطلق واول حياتنا كنت خايفة منه ومن عادات اهل الشمال ونجد لانها مختلفة عن عاداتنا ومن امه لانها متوقعة اني زوجة اب شريرة ((كما جرت العادة من زوجات الاباء حسبي الله على الشريرة منهم)) وتدقق عليه في كل كبيرة وصغيرة والله لايلومها خايفة على اولاد ولدها ولها حق لو كنت مكانها بسوي زيها، واخت زوجته اللي طلقها قبلي كويتية كل شوي تحاول تتلصق في زوجي بحجة اولاد اختها وهي في سني وعازبة وحلوة وتقوله اكتب املاكك باسم اولادك لايسير لك شي فجأة وتعذبهم زوجتك الجديدة وانا خلاص منهارة وخايفة منهم كلهم وبعدين فكرت اطلق منه واترك الرياض وارجع لاهلي لاني كنت عندهم مرتاحة كثير واذكر ان كل قريباتي وصديقاتي انتقدوني اني بتزوج واحد مطلق وعنده اطفال ومن منطقة مختلفة وبعيدة عننا بس انا وافقت عشان شهاداته العالية عجبتني وبصراحه ابوي وامي وافقوني على الطلاق لان صحتي مرة تعبت اول مااتزوجت ونقلت الرياض ونفسيتي سارت منهارة وارسلولي اخوي يجيبني وابعد عن هذه الحروب وهددتني اخت زوجته تسحرني او تسممني المهم هو رفض الطلاق وطلب من اخويه يرجع وهو يجيبني لاهلي بعد اسبوع وناقشني في هذا الاسبوع وقلي مايحب يفرط فيه وقلت له اش ضمني انكم ماتجنون عليه وتضيعوني قلي اكتب لك فلتي وعمارتي باسمك وانا اكتفي بالمكتب العقاري لانه رزقي في الاول ماصدقته لكنه سواها واخذني المحكمة وكتبهم بيع وشراء باسمي ارتحت نفسيا وحسيت اني لو مو غالية عنده مايكتبلي هذه الاشياء باسمي وقلي ناخذ الاولاد وننقل جده عشان نبعد عن مشاكل الاهالي والان لنا عشر سنين متزوجين وانا احبه واعزه واليوم لو يقولي رجعيهم باسمي فورا اروح اكتبهم باسمه وبناته وولده انا امهم ويموتون عليه وماافرقهم عن ولدي وبنتي الصغار فارجوا ان مثل هذه الحوادث الشاذة لاتحبط الرجال من النساء ولا النساء من الرجال والخير في امة محمد مهما سار ان شاء الله وشكرا ام عادل // ولد زوجي الكبير ادعوا له بالتوفيق كبر وبنرسله يدرس الجامعة في الرياض عند جده السنة الجايه ماشاء الله هذه قصص مجتمعنا الطيب الطاهر وان شاء الله الخير في امة محمد باقي الله يوفقكم ابو عبدالرحمن.يارب يرزقنا راحة البال الله لا يبلانا,, يا فيه ناس دلوخ.. خلصنا من دلاخت الطعوس جينا في دلاخت الطروش... انتظروا لاتعلقوا على الموضوع حتى تسمعوا للطرف الثاني ولاتحكموا عرفنا حالة طرف بقي طرف اخر حتى نعلق عليه اما التعليق مع الزوج فهذا شد اعصاب وموضوع غير صحيح لو كان صحيح كان سمعنا للاطراف وقرينا عنهم جميعا تحياتي للجميع
